Photoblog 的第一屆「IG 無厘頭相片募集」已經順利完成,感謝大家參與!今次的主題是「手機相簿垃圾桶內的相片」,希望大家重新看看已經刪除的照片,回想一下自己為何會拍下及刪除這張照片,或者會有些意外發現。

我們已從近 40 張參賽照片中選出了「最有趣」的照片了,得獎作品就是下圖的「影相要在晚餐後」!勝出者可贏得 Nikon Coolpix W100 防水相機一部,恭喜恭喜!我們會以 IG 私人訊息通知你來領獎,請留意收件夾!

得獎者:prw925
簡介(由參賽者提供):覺得相機食先呢個行為好無聊,所以我養成左食完飯先影相呢個習慣!開左一個相簿叫「影相要在晚餐後」但後黎發現我呢個行為比相機食先更加無聊,所以一次過del左成個相簿!
編輯評語:拍攝原因很有反叛意味,而刪除原因也呈現出反動意識,看來拍攝者不斷檢視環境和自身,是推動進步的關鍵!

以下是一些優異照片:

參賽者:if.yickho
簡介(由參賽者提供):係大西北某大商場見到幅好靚既 m&m 牆,點知影果時比大媽推一推,唯有入垃圾桶, 完。
編輯評語:完全感受到大媽的力度與速度,還有你的無奈程度。

參賽者:happychiu
簡介(由參賽者提供):呢兩個廣告放埋一齊真係毫無違和感,喺Facebook帖子完咪del囉。
編輯評語:這麼搞笑的照片真的是從垃圾桶內撈回來的嗎?!

參賽者:wingony
簡介(由參賽者提供):通常我都唔會delete相,除非張相真係鬆郁濛,影唔到我想影嘅嘢,或者好似呢張咁,係唔小心按到部手機而影到。當時影緊商場嘅萬聖節公仔,影完收返手機入袋時唔小心按到,結果影咗幾張路人嘅美腿。呢張睇起上嚟幾有動感,右上角個人好似飄浮緊。
編輯評語:照片滲透出似有還無的美感…… 不如試試調成黑白再加句歌詞,裝成有意拍攝的街拍作品吧。

參賽者:expoflife
簡介(由參賽者提供):有次出港島 難得有得搭電車,就一邊望風景感受充滿塵嘅微風,經過呢個 “Jubliee street”就覺得好搞笑,香港原來有條街同個間炸雞快餐店一樣名,我影左之後就去google 係咪,嗯.. Jollibee,跟手我就del左呢張相….
編輯評語:恭喜你成功引起編輯的共鳴了。

參賽者:doublemeowhk
簡介(由參賽者提供):每位主子都對鏡頭特別敏感,演禾啦,演禾啦!!Delete 原因:別怪他,很想去捕捉他。
編輯評語:根本就整個電話相簿都是這類貓照片吧?

再次感謝各位的參與,如果想更多參賽作品,可瀏覽「#pbhk1999game」標籤。第二期「IG 無厘頭相片募集」即將舉行,希望大家多多支持,請留意我們 IG @pbhk 發佈的最新資訊!

延伸閱讀:

【無厘頭相片募集】手機相簿垃圾桶內的相片-半途精選