大家好，今次將會分享一下我在Time-Lapse期間所拍到的照片。
這次 Time-Lapse Project 歷時兩個月才完成，白果已是家常便飯。
然後我發現片中出現過三次東望洋燈塔、南灣湖和舊區各兩次，看來還有很多地方仍未探索過……

首先看一下Time-Lapse影片吧，用3分鐘走過我兩個月的路 [請以HD觀看]

自從來到澳門生活，我漸漸愛上了這裏的人情味和文化；喜歡了攝影之後，我更加珍惜這片土地。所以我在7月中成立了這個Blog，希望藉着我的攝影計劃－澳門明信片計劃，令大家都能看到平時被忽略的澳門美景。

呢一張係我其中一張最愛嘅風景作品。火燒雲只係其中一個因素，唔知大家有冇留意到燈塔上面嘅雲呢，我就覺得好似一座噴緊煙嘅煙通。配合日出嘅情境，就好似想話比我地聽新嘅一日又要開始。將一座古蹟增添一份生氣。

呢一個情境係我暑假之中見到最靚嘅日出。由最頂嘅火燒雲，到中間嘅橙黃色晨光，再到湖面嘅反射，呢個時候我不禁嘆氣，點解我淨係得一部影緊Time-Lapse嘅相機，我想影全景啊……

拍攝嘅原因係我發覺自己好耐冇影過晴天，因為呢個暑假我不斷追日出日落，所以就突然影左一下(笑

然後就到澳門大學新校區。呢一日又係遺憾嘅一日，影到一半發現我背後嘅天空已經被染紅，唯獨我影緊嘅地方只有小小嘅地光陪襯。

呢到就係交通非常繁忙嘅中區啦。望下左上角嘅厚雲，呢一日其實個天係落緊毛毛雨，但係反而因為咁，日落嘅光線同雲層嘅變化更加特別。

從呢個角度可以睇到半個南灣湖，右邊係車軌(夜晚)，左邊係龍舟(湖面)；Time-Lapse之下就更加清楚了。

呢一張相充滿對比。有動態嘅車軌同靜止嘅車；有起好嘅酒店同工程進行中嘅建築物。

我地依家見到嘅舊區已經越來越多新式嘅高樓大廈落成，同原本嘅社區形成強烈嘅落差。究竟係咪好事呢？

另一日去左差唔多嘅地方影舊區日落，而我最期待嘅畫面亦都出現左，仲要係火燒雲加地光，非常壯觀。

我諗見過澳門蛋日出嘅人少之有少，畢竟交通不便加上未開門。於是我就計劃去睇下到底係點，可惜嘅係果日好大塵，食左半個白果，希望下次天氣更好。

傳統與科學，文化上完全唔一樣嘅野竟然可以起得咁近，可以睇得出澳門有幾咁中西交融。我覺得觀音像同科學館雖然都係新建築，但係兩個一齊睇就變得好有意義。

最後又係東望洋燈塔啦，呢一日嘅晨光同平時嘅完全唔一樣，係金黃色光線，感覺好舒服。Btw，下次要影多啲其他建築物先得。

原文位置

—

個人簡介:
YK. Shinoda, 一個平凡的90後青年, 來自日本, 現居澳門, 大學生一名, 喜歡探險
2014年頭開始愛上攝影, 自此每日機不離手, 希望透過相片和寫遊記分享自已所見所聞

Page: https://www.facebook.com/shinodaphoto

Blog: http://shinodaphoto.blogspot.com/