「住屋」可說是香港第一大問題，網路潮文「女朋友帶你返屋企食飯」(或曰「公屋潮文」) 將這個階級困局、人的勢利展現得非常深刻，而來自「This is Hong Kong」的創作，將這段潮文拍成短片，當中主角更是創業出來做攝影師，到底有何經歷？

第一段好好笑，尤其是媽媽 (盧苑茵) 答一句「即係藍領啦」，加上那副面口，真是好厲害……而且劇本改寫也做得不錯，透過人物的遲到，突出媽媽的面口改變，大家去支持一下他們吧︰http://www.facebook.com/ThisIsHongKong

不妨又重溫一下這篇潮文，有血有淚 (笑)︰

說話係難入耳…不過係事實︰

（租人樓不論乜樓）女朋友帶你返屋企食飯…伯母問你住邊…我租人樓 ka…響深水埗呀…不過D租都好貴下業主又想加租…。冇辦法la想同佢過2人世界…家辛苦D。此時…伯母會話我有D唔舒服要入房先…你自便la…你就同女朋友大家眼望望…最終不歡而散……

（公屋 租）女朋友帶你返屋企食飯…伯母問你住邊…我住公屋 ka…天水圍…天耀村呀…不過就租…早年走寶冇買到…好後悔…呢成餐飯…你會有飯食…可能又有肉食下…不過成餐飯伯母唔會再有野問你…話之你乜大學畢業…食完飯…伯母會大聲叫…女 送客…

（公屋 買）女朋友帶你返屋企食飯…伯母問你住邊…我住公屋 ka…天水圍…天耀村呀…不過就買…早年老豆老母買落…都叫自己物業…算係咁la…呢餐飯…你會好開心…你會有飯食之餘又有雞胸食…伯母又會好欣賞你父母當年既決定…而且話題非常之廣…有講有笑…因為有樓…而且樓價升…話之你乜Seven大學畢業…食完飯…伯母仲會問你食唔食生果…走時仲會點點頭…

（居屋 買）女朋友帶你返屋企食飯…伯母問你住邊…我住居屋 ka…600呎到la…早年老豆老母買落…叫自己物業lor…算係咁la…好過住公屋…好過租人樓…遲D一定會換私樓…外母會話你有志氣又叻仔…因為你已有物業…唔係9 up 能換到私樓既機會係有…呢餐飯…你會好開心…你會有飯食之餘又有魚食…大家會有講有笑…走時外母會問你點解坐多陣…

（私樓 老豆老母買落）女朋友帶你返屋企食飯…伯母問你住邊…我住私樓 Ka…雖然響將軍澳…早年老豆老母買落…不過已經供完係自己物業…成餐飯…會好開心…好溫韾…你會好似多左個老母咁…伯母又會好欣賞你父母當年買樓既決定…呢餐飯…有飯食之餘又有雞脾食…而且講句野都可以大聲D而且笑容由心裡笑出…因為個女可以搵到個有樓……話之你有乜學位有乜沙紙…話之你老豆老母買落定自己買…樓契最緊要…走時外母會問你點解坐多陣…同女入房玩下電腦…

（私樓 自己買）女朋友帶你返屋企食飯…伯母問你住邊…我住私樓 Ka…雖然響將軍澳…幾年前樓價低果時自己買落…雖然要供…不過供完之後係自己物業…成餐飯…你會好開心…好溫韾…你會好似多左個老母咁…伯母又會好欣賞你幾年前樓買樓既決定…呢餐飯…有飯食之餘又有雞脾食…外母笑容由心裡笑出…因為個女可以搵到個有樓之剩又搵到個叻仔…話之你有乜學位有乜沙紙…有樓最緊要…走時外母會問你點解坐多陣…同女入房玩下電腦…

※※※

補充︰

其後我們也有跟此影片的導演兼編劇 Ronnie 進行簡單訪談，了解到原來他也是一個「高登仔」，對這篇潮文特別有共鳴，而他本人跟影片主角一樣，都是修讀電影，並且在媒體公司工作 (但不是創業)。而選取男主角設定為「創業」，是因為這很突顯到今時今日的香港，無論你做甚麼行業都已經不重要了，最重要還是你住在哪裏、有沒有樓……

另外，這篇潮文的特色，是場景只有一個，因此拍起來成本可以大幅減少，甚至他們只是用了一日就拍攝完成，全場工作人員包括演員，都只是十個左右 (不包括後期剪接、配樂等)。至於演員方面今次則邀請了職業演員盧苑茵，這樣可以吸引更多人欣賞，而且她的演技亦相當出色。整體預算大約超過了他一個月的薪金。

為甚麼要自資拍攝這些不賺錢的影片呢？對 Ronnie 說這是一份興趣，得到別人的欣賞也能帶來很大的滿足感，將來也會繼續拍攝，暫時最快會拍一段有關政治的作品，大家可以到其 Facebook 頁欣賞︰http://www.facebook.com/ThisIsHongKong